Home > កីឡា និង សិល្បៈ > ព័ត៌មានជាតិ > តោះមកដឹង កេរដំណែលដូនតាខ្មែរយើងអ្វីខ្លះ ជាប់ជាសម្បត្តិបេតិកភណ្ឌពិភពលោក?

តោះមកដឹង កេរដំណែលដូនតាខ្មែរយើងអ្វីខ្លះ ជាប់ជាសម្បត្តិបេតិកភណ្ឌពិភពលោក?

December 03, 2022 កីឡា និង សិល្បៈ, ព័ត៌មានជាតិ

មកទល់នឹងបច្ចុប្បន្ននេះ កេរដំណែលពីដូនតាខ្មែរយើងចំនួន៩ ត្រូវបានអង្គការ UNESCO ចាត់បញ្ចូលជាសម្បត្តិបេតិកភណ្ឌពិភពលោក។ នេះបើយោងតាមការចុះផ្សាយរបស់ ក្រសួងវប្បធម៌ និងវិចិត្រសិល្បៈ។

ខាងក្រោមនេះជាសម្បត្តិបេតិកភណ្ឌអន្តរជាតិរបស់ខ្មែរយើងទាំង៩៖

១. តំបន់អង្គរ៖ ត្រូវបានចាត់បញ្ចូលជាសម្បត្តិបេតិកភណ្ឌពិភពលោកនៅថ្ងៃទី១៤ ខែធ្នូ ឆ្នាំ១៩៩២។

២. របាំព្រះរាជទ្រព្យ៖ ត្រូវបានចាត់បញ្ចូលជាសម្បត្តិបេតិកភណ្ឌវប្បធម៌អរូបីនៃមនុស្សជាតិនៅថ្ងៃទី០៧ ខែវិច្ឆិកា ឆ្នាំ២០០៣។

៣. ល្ខោនស្រមោលស្បែកធំ៖ ត្រូវបានចាត់បញ្ចូលជាសម្បត្តិបេតិកភណ្ឌវប្បធម៌អរូបីនៃមនុស្សជាតិនៅថ្ងៃទី២៥ ខែវិច្ឆិកា ឆ្នាំ២០០៥។

៤. ប្រាសាទព្រះវិហារ៖ ត្រូវបានចាត់បញ្ចូលជាសម្បត្តិបេតិកភណ្ឌពិភពលោកនៅថ្ងៃទី០៧ ខែកក្កដា ឆ្នាំ២០០៨។

៥. ល្បែងទាញព្រ័ត្រ៖ ត្រូវបានចាត់បញ្ចូលជាសម្បត្តិបេតិកភណ្ឌវប្បធម៌អរូបីនៃមនុស្សជាតិនៅថ្ងៃទី០២ ខែធ្នូ ឆ្នាំ២០១៥។

៦. ចាប៉ីដងវែង៖ ត្រូវបានចាត់បញ្ចូលជាសម្បត្តិបេតិកភណ្ឌវប្បធម៌អរូបីនៃមនុស្សជាតិនៅថ្ងៃទី៣០ ខែវិច្ឆិកា ឆ្នាំ២០១៦។

៧. ប្រាសាទសម្បូរព្រៃគុក៖ ត្រូវបានចាត់បញ្ចូលជាសម្បត្តិបេតិកភណ្ឌពិភពលោកនៅថ្ងៃទី០៨ ខែកក្កដា ឆ្នាំ២០១៧។

៨. ល្ខោនខោលវត្តស្វាយអណ្ដែត៖ ត្រូវបានចាត់បញ្ចូលជាសម្បត្តិបេតិកភណ្ឌវប្បធម៌អរូបីនៃមនុស្សជាតិនៅថ្ងៃទី២៨ ខែវិច្ឆិកា ឆ្នាំ២០១៨។

៩. គុនល្បុក្តតោ៖ ត្រូវបានចាត់បញ្ចូលជាសម្បត្តិបេតិកភណ្ឌវប្បធម៌អរូបីនៃមនុស្សជាតិនៅថ្ងៃទី២៩ ខែវិច្ឆិកា ឆ្នាំ២០២២៕

* គេហទំព័រ បន្ទាយមានជ័យប៉ុស្តិ៍ ជាព័ត៌មានពិត រហ័ស អព្យាក្រឹត និងរៀបចំ ជ្រើសរើស ក្រុមការងារ នៅតាមបណ្តាលរាជធានី ខេត្ត មានចំណាប់អារម្មណ៍ សូមទំនាក់ទំនងតាមរយៈតេឡេក្រាមលេខ 0712429364 / 011466621