សមត្ថកិច្ច បំបែកសំណុំរឿង ជនដៃដល់ជាមេខ្យល់ ពីបទ មនុស្សឃាត លើ ពលរដ្ឋខ្មែរក្បែរព្រំដែនក្នុងទឹកដីកម្ពុជា
Read News TV ៖ បើតាមសេចក្តីរាយការណ៍បានឱ្យដឹងថា ករណីប្លន់សម្លា.ប់ស្ត្រីពលករខ្មែរម្នាក់ក្បែរព្រំដែន ស្ថិតក្នុងទឹកដីកម្ពុជា ចាប់បានជនដៃដល់ម្នាក់បានហើយ គឺជាជនជាតិថៃ ដែលជាមេខ្យល់ រស់នៅស្រុកជាប់ជាយដែន កាលពីម៉ោង៣រសៀល ថ្ងៃទី០៤ ខែមីនា ឆ្នាំ២០២៣ ស្ថិតនៅភូមិណាំគៀង ឃុំប៉ារ៉ៃ ស្រុកគោកធ្យូង ខេត្តស្រះកែវ ប្រទេសថៃ។
មន្ត្រីនគរបាលបានបញ្ជាក់ថា ក្រោយពីទទួលព័ត៌មានភ្លាម កម្លាំងជំនាញបានចុះទៅពិនិត្យសាកស.ពស្ត្រីរងគ្រោះ ហើយបានស្គាល់អត្តសញ្ញាណដែលមានឈ្មោះ ស្វៃ សុភក្ត្រា អាយុ៣៩ឆ្នាំ រស់នៅភូមិផ្គាំ ឃុំសឹង្ហចង្ហា ស្រុកអូរជ្រៅ ដែលត្រូវជនសង្ស័យប្លន់សម្លា.ប់យកលុយនៅពេលត្រឡប់មកពីធ្វើការសំណង់នៅប្រទេសថៃតាមរយៈមេខ្យល់។
មន្ត្រីនគរបាលបានបញ្ជាក់ទៀតថា ក្រោយការពិនិត្យស្រាវជ្រាវមុខសញ្ញា ដោយសហការជាមួយកម្លាំងភាគីថៃជាប់ព្រំដែន ក៏បានឃាត់ជនសង្ស័យជនជាតិថៃដែលជាជនដៃដល់ប្លន់សម្លា.ប់ជនរងគ្រោះ ហើយត្រូវបានកម្លាំងភាគីថៃឃាត់ខ្លួននៅថ្ងៃទី០៤ ខែមីនា ឆ្នាំ២០២៣ ស្ថិតនៅក្នុងភូមិណាំគៀង ឃុំប៉ារ៉ៃ ស្រុកគោកធ្យូង ខេត្តស្រះកែវ ប្រទេសថៃ។
គួររំលឹកថា ៖ ស្ត្រីម្នាក់ត្រូវបានគេប្រទះឃើញស្លាប់ក្នុងថ្លុកឈាម ក្នុងព្រៃចម្ការមីនព្រំដែន ក្នុងភូមិសាស្ត្រស្រុកអូរជ្រៅ
Post a Comment