នគរបាលបំបែកសំណុំរឿងកា.ប់ប្ល.ន់ម៉ូតូ នៅក្រុងប៉ោយប៉ែតឃាត់ខ្លួនជនសង្ស័យ៦នាក់
ខេត្តបន្ទាយមានជ័យ៖ ជនសង្ស័យ៦នាក់ដែលធ្វើសកម្មភាពកាប់ជនរងគ្រោះ៣នាក់ យកម៉ូតូ១គ្រឿងនៅក្រុងប៉ោយប៉ែតត្រូវបាននគរបាលក្រុងប៉ោយប៉ែត បញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់ នៅថ្ងៃទី២១ ខែមេសា ឆ្នាំ២០២៣នេះ។
![](https://sbm.news/api/files/images/sbm-nTV0R-aItpPI6n7Muu84g.jpg)
លោកវរៈសេនីយ៍ឯក សៅ សារឿន អធិការនគរបាលក្រុងប៉ោយប៉ែតបានឱ្យដឹងថា ជនសង្ស័យ៦នាក់ (ភេទប្រុស) ដែលត្រូវឃាត់ខ្លួន រួមមាន៖ ១-ឈ្មោះ ជិន ចក់ ភេទប្រុស អាយុ១៧ឆ្នាំ ,២-ឈ្មោះ សុះ ដារី អាយុ២៣ឆ្នាំ ,៣-ឈ្មោះ ផាត សុភិន អាយុ១៧ឆ្នាំ, ៤-ឈ្មោះ ថា បញ្ញា អាយុ១៧ឆ្នាំ ,៥-ឈ្មោះ វង់ សាវន អាយុ១៦ឆ្នាំ, ៦-ឈ្មោះ មើយ ស៊ីម៉េង អាយុ១៧ឆ្នាំ ដែលពួកគេស្នាក់នៅភូមិសង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
លោកបានបន្តថា កាលពីវេលាម៉ោង៩:៣០នាទីយប់ កាលពីថ្ងៃទី១៨ ខែមេសា ឆ្នាំ២០២៣ នៅតាមផ្លូវជាតិលេខ៥ ចំណុចភូមិអណ្តូងថ្មមាស សង្កាត់ផ្សារកណ្តាល ក្រុងប៉ោយប៉ែត មានជនសង្ស័យ១ក្រុមមានគ្នា៦នាក់ជិៈម៉ូតូ ២គ្រឿងមានកាំបិតបានធ្វើសកម្មភាពជិះម៉ូតូតាមធាក់ម៉ូតូជនរងគ្រោះ ហើយកាប់យកម៉ូតូ១គ្រឿងទៅបាត់របស់ជនរងគ្រោះ៣នាក់ (ភេទប្រុស) រួមមានទី១-ឈ្មោះ ដៀប បញ្ញា អាយុ១៦ឆ្នាំ, ២-ឈ្មោះ វ័ន រ៉ាយុក អាយុ១៦ឆ្នាំ, ៣-ឈ្មោះ ឆន សុវណ្ណថៃ អាយុ១៦ឆ្នាំ រស់នៅភូមិសែសិន សង្កាត់អូរអំពិល ក្រុងសិរីសោភ័ណ ខេត្តបន្ទាយមានជ័យ។
![](https://sbm.news/api/files/images/sbm-aQm-ItexqvfXvaCYRN67N.jpg)
លោកបន្ថែមទៀតថាក្រោយទទួលបានព័ត៌មាន កម្លាំងនគរបាលក្រុងប៉ោយប៉ែតបានសហការជាមួយកម្លាំងនគរបាលប៉ុស្តិ៍ផ្សារកណ្តាលធ្វើការស្រាវជ្រាវ និងកំណត់មុខសញ្ញាដោយជនសង្ស័យ៤នាក់ឃាត់បាននៅក្រុងប៉ោយប៉ែត និង២នាក់ទៀតឃាត់ខ្លួននៅស្រុកអូរជ្រៅថ្ងៃទី១៩ ខែមេសា ឆ្នាំ២០២៣។ ក្រោយការសាកសួរជនសង្ស័យ៦នាក់ បានសារភាពថាពួកគេបានធ្វើសកម្មភាពជិះម៉ូតូ២គ្រឿង និងប្រើប្រាស់ដាវសាំម៉ូរ៉ៃធាក់ម៉ូតូបណ្តួលហើយ បានយកខ្នងកាំបិតកាប់ទៅលើជនរងគ្រោះយកម៉ូតូពិតមែន៕
![](https://sbm.news/api/files/images/sbm-WFg2wLbSUxieWT5ymZnW2.jpg)
![](https://sbm.news/api/files/images/sbm-jqX81sVC3b6rttv2url0o.jpg)
Post a Comment