បន្ទាយមានជ័យ ៖ ភ្លៀងលាយឡំដោយខ្យល់កន្ត្រាក់ បណ្តាលរំលំប៉ាណូសង្កត់រថយន្ត១គ្រឿង និងស្ទះចរាចរណ៍នៅយប់ថ្ងៃទី២២ ខែមេសា ឆ្នាំ២០២៣ នៅខាងត្បូងរង្វង់មូលយាយជីច្រូតស្រូវ ស្ថិតភូមិ.ឃុំឫស្សីក្រោក ស្រុកមង្គលបូរី ។
នៅពេលដែលប៉ាណូបាក់សង្កត់រថយន្តបណ្តាលឲ្យស្ទះចរាចរណ៍ដងផ្លូវជាតិលេខ៥ មុខអធិការដ្ឋាននគរបាលស្រុកមង្គលបូរី ឃើញវត្តមានលោក លី សុវណ្ណារិទ្ធ និងលោក ហ៊ឹល រ៉ាយ៉ា អភិបាលរងខេត្តបន្ទាយមានជ័យបាននាំកម្លាំងធ្វើចរាចរណ៍ និងយករថយន្តមកសន្ទូចចេញដើម្បីសម្រួលចរាចរណ៍ដល់អ្នកដំណើរ ។លោក លី សុវណ្ណារិទ្ធ អភិបាលរងខេត្តបន្ទាយមានជ័យបានប្រាប់ថា ៖នៅយប់ថ្ងៃទី២២ ខែមេសា ឆ្នាំ២០២៣នេះ មានភ្លៀងលាយឡំដោយខ្យល់កន្ត្រាក់ បណ្តាលរលំប៉ាណូធំមួយដែលដាក់កាត់ផ្លូវបណ្តាលបាក់សង្កត់រថយន្តម៉ាក់ហ៊ីយិនដាយ ពាក់ផ្លាក់លេខសៀមរាប 3A.2845តែសំណាងគ្មានអ្នករងគ្រោះបណ្តាលក្រពិតទ្រុង។លោក ហ៊ឹល រ៉ាយ៉ា អភិបាលរងខេត្តបានបញ្ជាក់ថា ៖ ក្រោយពេលប៉ាណូធំបាក់សង្កត់រថយន្ត និងស្ទះចរាចរណ៍ជាការណែនាំពីឯកឧត្តម អ៊ុ រាត្រី អភិបាលខេត្តបន្ទាយមានជ័យបានដឹកនាំកម្លាំងចុះជួយធ្វើអន្តរាគមន៍ និងយករថយន្តមកសន្ទូចចេញ ដើម្បីសម្រួលចរាចរណ៍ដល់អ្នកដំណើរ ។
លោកបានបញ្ជាក់ថា ៖ នៅខេត្តបន្ទាយមានជ័យយប់នេះ មានភ្លៀងលាយឡំដោយខ្យល់កន្ត្រាក់ដែលបណ្តាលបាក់ប៉ាណូធំកាត់ផ្លូវនៅខាងត្បូងរង្វង់មូលយាយជីច្រូតស្រូវ ហើយមិនទាន់បានទទួលព័ត៌អាចប៉ះពាល់ផ្ទះសម្បែងប្រជាពលរដ្ឋនៅឡើយទេ ហើយប៉ាណូដែលបាក់សង្កាត់រថយន្ត១គ្រឿងបណ្តាលស្ទះចរាចរណ៍ត្រូវរថយន្តសន្ទូចយកចេញទាំងយប់សម្រួលចរាចរណ៍ដល់អ្នកដំណើរ៕
Post a Comment